Giabandonar nga furniture shop nasunog

CEBU, Philippines — Gitubag sa kabomberohan sa Dakbayan sa Mandaue alas 2:46 sa hapon niadtong Sabado ang sunog sa giabandonar na nga furniture establishment sa may Barangay Cambaro.

Matud ni SFO1 Noel Codilla, imbestigador sa Mandaue City Fire Station nga nagsugod ang kalayo sa gibiyaan nga mga kahoy nga gigamit alang sa paghimo og furniture products.

Dugang niini nga ilang gipaubos sa second alarm ang maong sunog alas 3:01 sa hapon hangtud nga hingpit nilang napawong paglabay sa 16 nga minutos.

Si Codilla miingon nga mohimo pa sila og dugang imbestigasyon karong adlawa  Lunes alang sa pagsuta sa  gidak-on  sa danyos nga gibilin sa labing unang  sunog nga nahitabo sa pagsulod sa tuig 2019. (BANAT NEWS)