Konsehal Espina nanumpa na

CEBU, Philippines — Sakop  na sa konseho sa Siyudad sa Sugbo si Erik Miguel Espina human nakapanumpa kagahapon sa buntag kang Court of Appeals Executive Justice Gabriel Ingles.

Kuyog ang iyang pamilya ingon man kaubanan sa Barug Team Rama-PDP-Laban sama nila ni kanhi mayor Michael Rama, Bise Mayor Edgardo Labella, Konsehal Raymond Alvin Garcia, Renato “Junjun” Osmeña, Pastor Alcover Jr., Jose Daluz III, Apas Barangay Konsehal Ramil Ayuman ug kanhi konsehal Noel Wenceslao.

Si Espina gitudlo ni Presidente Rodrigo Duterte isip hulip sa natangtang nga si Konsehal James Anthony Cuenco gumikan sa iyang kaso sa Ombudsman.

Pipila sa mga plano ni Espina ang paghatag og pagtagad sa edukasyon ingon man panglawas sa mga Sugbuanon.

Si Labella niasoy nga magtabla ang Bando Osmeña Pundok Kauswagan (BOPK) ni Mayor Tomas Osmeña ug Barug Team Rama-PDP-Laban sa konseho sa paglingkod na ni Espina.

Gihimug-atan sab niini nga bisan og nahisakop sila sa minority wala sila’y mga proyekto nga gibabagan ilabi na kun makahatag kini og kaayuhan sa siyudad.

“Remember that Erik Espina is a well-known journalist and he has some training on peace and order as a matter of fact he is a Brigadier General in the reserve force and one of very important concerns in the City is the peace and order I think in that aspect Erik Espina can be very helpful,” asoy ni Labella.

Nitumaw ang mga pangutana kung unsay mahitabo kung pananglitan paboran sa korte ang apelasyon ni Cuenco labot sa iyang kaso.

“We already have made very clear and Erik have already made a very clear position that there will be an order of assumption and it will be in the nature of execution then Erik has always be willing to me in the meantime and even prepared because he has already sure in a part of probable to run under Team Rama and that we put everything in order,” matud ni Rama. Dili na bag-o kang Espina ang public service sanglit usa man kini ka journalist ug dugay na siya sa maong propesyon.

Nidaku sab kini nga expose sa kalihukan sanglit anak siya ni kanhi gobernador ug senator Rene Espina ug usa sab siya ka army reservist. (BANAT NEWS)