Pagpanghadlok sa PRO-7 sa mga polis di makiangayon
CEBU, Philippines – Gihulagway ni Cebu City Mayor Tomas Osmeña nga dili makiangayon ang direktiba ni Police Regional Office (PRO)-7 Chief Superintendent Debold Sinas nga ipaubos sa background check ang mga polis nga mobisita sa haya ni SPO1 Adonis Dumpit.
“I don’t think that’s fair. Why? Just because you are friends you make it appear like a crime? I don’t think that’s fair, they can background check me, I’m not afraid,” matud ni Osmeña.
Nasayran nga gawas sa background check, pakuhaan sab og hulagway ang mga polis nga moduaw sa haya ni Dumpit.
Gipaabot nga karong adlawa ihatod sa iyahang katapusang pahulayan si Dumpit ug si Osmeña daan nang nagpahibawo nga gusto niya hatagan og desenteng lubong ang nahisgutang polis.
Ang Commission on Human Rights-7 pinaagi ni Leo Villarino, Chief Investigator sa maong ahensya nagkanayon walay balaod nga nagdili pagkuha og hulagway sa mga polis nga moduaw sa haya ni Dumpit.
Apan naghatag kini og bati nga mensahe sa mga polis nga moduaw kay posible silang mahimong subject sa surveillance. (Rowena Capistrano/IBM)(BANAT NEWS)
- Latest
