Daghang nikandidato nga overage, underage sa SK

CEBU, Philippines — Moabot og 267 ka mga kandidato sa Barangay ug Sangguniang Kabataan (SK)  election ang gipaabot nga i-disqualify sa Commission on Elections (COMELEC) tungod sa mga kakulian sa ilang certificate of candidacy (COC).

Sa listahan sa Comelec sa Probinsya sa Sugbo, 46 niini ang dili rehistrado, 16 ang deactivated, 171 ang overage ug 34 ang underage para sa SK.

Anaa sa lungsod sa Tuburan ang pinakadaghan nga nilansar sa SK nga lapas na sa edad, niabot og 28. Gisundan kini sa Cebu City South District -21, Cebu City North District -16. Ang dakbayan sa Lapu-Lapu adunay 13 nga overage nga kandidato.  Samtang ang lungsod sa Minglanilla,  Dalaguete,  ug Consolacion adunay tag 11 nga kandidato sa SK nga overage na.

Matod ni Atty. Ferdinand Gujilde ang provincial election officer nagkanayon nga naghulat na lang sila sa kamandoan o resolution sa Comelec en banc nga i-disqualify ang maong mga kandidato.

Ang edad sa mahimong modagan og posisyon sa SK kinahanglang 18 hangtud 24 pataas. Samtang ang makabotar 15 hangtud 30 anyos sumala pa sa National Youth Commission nga usa sa mga nitabang sa pagpanday sa implementing rules and regulations (IRR) sa SK Reform Act. -/IBM (BANAT NEWS)