Tulisan nasikop, gialarma nga armado
Matud ni Police Officer 2 Roje Cabra, desk officer sa Opao Police Station, nga atol sa pagsita kang Antonio, nakuhaan kini og .357 nga armas nga walay lisensiya ug tulo ka putos sa gituohang shabu lakip ang cellphone nga nakuha niini sa pagpanulis. File
CEBU, Philippines — Nabalhug sa prisohan ang usa ka tulisan human nabatyagan nga adunay armas dihang naglakaw sa may Plaridel Street, Umapad, Dakbayan sa Mandaue.
Ang nasikop mao si Jeime Nemecio Antonio, 38, taga Pag-utlan, Tayud, Consolacion,
Matud ni Police Officer 2 Roje Cabra, desk officer sa Opao Police Station, nga atol sa pagsita kang Antonio, nakuhaan kini og .357 nga armas nga walay lisensiya ug tulo ka putos sa gituohang shabu lakip ang cellphone nga nakuha niini sa pagpanulis.
Sa wala pa nasikop si Antonio, giingong nanulis kini sa M. Logarta Street, Subangdaku sa maong dakbayan.
Matud ni Police Officer 2 Frederick Andales, desk officer sa Subangdaku Police Station, nga ang biktima sa pagpanulis mao si Amalia Coliflores, taga Sitio Aroma, Subangdaku samtang nagsakay og jeepney gikan sa Dakbayan sa Sugbo pinaagi sa pagtion og armas.
Ang suspek positibong giila sa biktima ug nauli na sab ang cellphone niini. (BANAT NEWS)
- Latest
