“Ungo” wa pasudla sa buwangan nanunggab

CEBU, Philippines - Gidunggab sa masyador ang usa ka tigtapad og manok diha sa Tabunok Cockpit Complex sa Barangay Tabunok, Dakbayan sa Talisay niadtong Huwebes sa hapon.

Ang biktima mao si Jeffrey Cabasa alyas Jing, 65, taga sitio Centro, Siyudad sa Mandaue.

Samtang ang suspek nailhan nga si Juanito Suquite alyas Ungo, 51, taga Villa Bulsita, Barangay Bulacao, sa Siyudad sa Sugbo.

Base sa report sa kapulisan, adunay derby nga gihimo sa maong buwangan ug adunay palisiya nga pinili lang nga masyador ang makasulod sa ruweda. Sumala pa nga ang suspek apil sa gidid-an pagsulod  apan nasuko ug  ang iyang gipasanginlan mao ang biktima ug iya kining gidunggab.

Ang biktima ang gidali og dala sa Talisay City District Hospital  samtang gitanggong na sa prisohan ang suspek. (BANAT NEWS)