P3M ayuda sa Kapitolyo sa Sinulog
CEBU, Philippines - Nihatag na og P3 milyones nga financial assistance ang Kapitolyo ngadto sa Sinulog Foundation, Inc. alang sa mga kalihukan sa Sinulog 2017.
Matud ni Provincial Treasurer Emmanuel Guial nga Disyembre pa lang nakahatag na ang Kapitolyo sa maong ayuda.
Si Guial nagkanayon ila sab paabuton ang liquidation report gikan sa SFI sa tanang gasto alang sa kalihukan sa Sinulog karong tuiga nga usa sa pangitaon sa Commission on Audit.
Kabahin sa seguridad, si Gobernador Hilario Davide III niawhag sa publiko nga motabang sa awtoridad nga magbantay sa palibot.
Sa sugyot nga pawngon ang cellphone signal atol sa dakung kalihukan, si Davide nagkanayon nga angay kini tun-an pag-ayo una pa i-implementar sanglit importante ang komunikasyon sa maong okasyon.
"Any big celebration in Cebu whether in city or any part of the province, that attracts visitors whether local or foreign, naay security concerns mao nga magmabinantayon gyud ta. We have to be vigilant, watchful always," matud ni Davide kinsa nidugang nga angay nga dili lang mokompiyansa. -/GMR (BANAT NEWS)
- Latest
