Magtiayon sikop sa buy-bust sa Bohol
CEBU, Philippines - Nasikop ang magtiayon sa mga tinugyanan sa Provincial Intelligence Branch ug Provincial Anti-Illegal Drugs Special Operation Task Group nga buy-bust sa Sitio Candanghol, Barangay Cruz, Buenavista, Bohol.
Ang operasyon gipangulohan ni Police Chief Inspector Rolando Antipolo kinsa niila sa mga nadakpan nga sila si Renato Ocangas, 42, walay trabaho ug asawa niini nga si Marilou Ocangas, 40-anyos.
Matud ni Antipolo nga hingpit nang ni-surrender si Ocangas niadtong Hulyo 11 subay sa Oplan Tukhang sa kapolisan apan nakadawat sila og taho nga nibalik kini sa pagpamaligya og drugas hinungdan sa pagpahigayon nila og operasyon.
Nasakmit ang dul-an sa 12 gramos nga shabu balor og P132 mil base sa Dangerous Drug Board value. Ang dinakpan kasamtangan nga gitanggong sa buhatan sa PIB ug PAIDSOTG samtang gihan-ay ang pagsang-at og tukmang kaso. (BANAT NEWS)
- Latest
