Dul-an 200 toneladang basura ang nahipos human sa Sinulog

CEBU, Philippines – Nikabat ngadto sa kapin gatos ka tonelada ang basura nga nahakot sa Department of Public Services (DPS) pagkahuman sa Sinulog Grand Parade niadtong Domingo.

Matud sa bag-o nga hepe sa DPS Engr. Dionesio Gualiza nga ubay-ubay pud nga basura ang nahakot gikan sa carousel route ug sa basilica. Dugang pa ni Gualiza nga gisugdan ang paglimpyo sa tibuok kadalanan sa dakbayan sugod sa alas otso sa gabii hangtud sa alas 7 sa buntag ug miabot og 170 ka toneladang basura ang nahipos (base sa alas-2 sa hapon nga nahipos). Gitabangan paglimpyo ang kadalanan sa 504 ka mga Barangay Environment Office (BEO) apil na niini ang gikan sa mountain barangays. Ang kinadaghanan og basura nga nakuha mao ang Fuente Osmeña, dan P.del Rosario, Imus Road, Mango Avenue ug dan Colon.

Mas daghan kini kun itandi sa basura nga nakolekta karong tuiga ug natural kini tungod sa kadaghan sa mga tawo nga nanan-aw sa Sinulog 2016.

Samtang ang Cebu City Environmental Sanitation and Enhancement Team (CESET) adunay dili mominus 900 ang naisyuhan og citation tickets tungod sa paglapas sa City Ordinance 2241. – /EIM) (BANAT NEWS)