Kaso labot sa halin sa SRP ipabasura

CEBU, Philippines - Buot ipabasura ni Konsehal Gerardo “Gerry Carillo” sa korte ang kaso nga gipasaka ni Romulo Torres batok sa konseho sa dakbayan sa Sugbo. Matud ni Carillo nga wala’y basehanan si Torres sa pagpasaka sa kaso tumong sa pagpahunong sa paggamit sa halin sa luna sa South Road Properties sanglit dili siya direkta’ng apektado isip magbubuhis.

Giklaro ni Carillo nga ang gikuhaan sa pundo sa supplemental budget gikan sa halin sa luna sa SRP ug dili gikan sa buhis sa katawhan.

Dugang ni Carillo nga ang pagduso sa resolusyon nga nagtugot kang Mayor Michael Rama sa pagpakig-negosasyon sa pagbaligya sa luna sa SRP dili supak sa City Ordinance 2332.  (BANAT NEWS)