NBI-7 duna nay lead sa Alegre ambush
CEBU, Philippines – Duna nay leads ang National Bureau of Investigation-7 sa kamatayon ni Atty. Amelie Alegre, trese ka adlaw human kini gi-ambush kauban ang laing abogado ug kaopisina diha sa Brgy. Looc, Mandaue City.
Si Assistant Regional Director Eric Isidoro nagkanayon nga nakakuha sila’g testimonya sa mga testigo apil na ang sa naangol nga si Atty. Briccio Boholst, 55.
“Personal angle ang mas mabigat na motibo kasi may mga pieces of evidence…circumstantial na nagli -link,” matud ni Isidoro.
Si Alegre, Boholst ug ilang office staff nga si Anthony Pino gibanhigan niadtong Agosto 13, 2015 sa alas 6 p.m. sa Catalino Street, Brgy. Looc. Si Alegre, 35, napatay samtang naigo si Boholst sa paa ug si Pino naigo sa tiyan. Si Alegre maoy nagmaneho sa BMW nga awto dihang duha ka tawong sakay og motorsiklo nga naka full faced- helmet ug naka-jacket og itom nga nagsunod kanila kalit nga mipaulan og bala kang Alegre.
Matud ni Isidoro nga dunay nakakita sa nawong sa gunman ug driver apan mahadlok motestigo. Midugang si Isidoro nga nag- surveillance daan ang mga lookouts sa wa pa gipusil si Alegre.
Gibutyag usab ni Isidoro nga si Alegre ug iyang bana adunay panagbangi bahin sa pagbahin sa ilang katigayonan samtang nagpadayon usab ang husay sa annulment case sa duha.
“Winning kasi ‘yong victim at may chance na lahat ng property ni Ryan ay makukuha nang victim. May sources pa na nagsabi na ang mga property ni Ryan sa kanyang parents nasa name lang ni Ryan. Kung mawala yun, mawala din ‘yung source of livelihood nila,” matud niya.
Naghinaut si Isidoro nga madakpan ang gunman ug ang driver aron masuta nila kun kinsa ang mastermind niini.
“Gusto rin namin ma-solve ‘yan kasi aside na lawyer ang pinatay, babae pa. Sunod-sunod ang patayan ng lawyers dito sa Cebu with impunity. They think they can get away from it,” matud niya. Nanawagan ang NBI sa katawhan nga motabang aron masulbad ang maong krimen. Gawas sa cartographic sketch sa gunman, duna say nakuhang kopya sa footage sa CCTV ang NBI nga gipadala na sa kaulohan aron maklaro ang kopya niini. – /EIM) (BANAT NEWS)
- Latest
