Mga poste ipatangtang

CEBU, Philippines - Bag-ong nilingkod nga pangulo sa Cebu City Transportation Office Atty. Rey Gealon gusto nga ipatangtang ang mga poste nga anaa na sa tungatunga sa mga dalan kay nakabalda kini sa trapiko ug peligro sa mga motorista.

Matud pa ni Gealon, pipila ka mga dalan dinhi ang dunay mga poste nga naa sa tunga sa dalan.

Sumala pa ni Gealon, dunay poste sa may Brgy. Luz duol sa inilang kan-anan padulong sa Ayala flyover nga naa na hapit sa tunga sa dalan ug tungod niini, way motadlas nga sakyanan ug gihimo na hinuong parkingan sa mga sakyanan ug nakabalda sa trapiko sa lugar.  Matud pa ni Gealon iyaha nang nakahinabi  si Eric Ching, manager sa Reputation Management Department sa Visayan Electric Company (VECO) ug nipasalig kini nga hatagan og pagtagad ang maong poste. (BANAT NEWS)