Hiyas ni Don Bosco gipadayun sa mga pari
CEBU, Philippines - Padayung gisunod sa mga Salesianong Pari ang mga hiyas ni St. John Bosco sulod sa 200 na ka tuig sa iya’ng pagkatawo.
Karong Agosto 15 saulogon sa mga Pari’ng Salesiano ang ika-200 ka tuig nga kasumaran sa adlaw’ng natawhan sa Santo.
Matud ni Dr. Leah Samson, deputy director sa Project Development Office sa Don Bosco South Philippine Province, nga gusto nila’ng saulogon ang mga nahimo ni St. John Bosco sa mga kabatan-onan sa tibuok kalibutan.
Gusto nila’ng ipahibawo kun ngano’ng gitawag nga Saint of the Young si St. John Bosco.
Si Padre Godofredo Atienza, SDB, niasoy nga usa ka kalibutanong hagit ang new evangelization ilabi na diha sa kabataan ug sa mga kabus.
Nag-una’ng problema nga gihatagan og pagtagad sa Salesian Congregation ang bungkag nga pamilya, ilegal nga drugas ug lakip na usab ang ka moderno karon sa panahon.
Usa ka misa ang ipahigayun sa Lourdes Parish Church sa Punta Princesa sa alas 3:30 sa hapon diin mosunod dayun ang nagkalain-laing kalihukan. Naila nga Don Bosco, ang Italyano’ng pari nga gikan sa kabus nga mag-uuma nga pamilya natawo niadto’ng Agosto 16, 1815.
Nahimo siya’ng magician, acrobats ug jogglers aron pagtabang sa pagbuhi sa ila’ng pamilya kay dos anyos pa siya diha’ng namatay ang iya’ng amahan.
Gihalad ni Don Bosco ang iya’ng kinabuhi sa pagtabang sa mga kabus ilabi na sa kabataan ug kabatan-onan hinungdan nga gideklarar siya nga Santos niadto’ng Abril 1, 1934. (BANAT NEWS)
- Latest
