Osmeña,Young miatras

CEBU, Philippines - Gi-withdraw nila ni kanhi mayor Tomas Osmeña ug kanhi bise mayor Joy Young sa Commission on Elections (COMELEC) ang election protest sa resulta sa eskutenyo sa pipila ka presinto nga ilang gipasaka batok ni Mayor Michael Rama ug Vice Mayor Edgardo Labella.

Matud pa sa duha kuwang na sa panahon ug usa na lang ka tuig ang nahibilin sa termino ug apiki na kini. Adunay 592 ka presinto nga giprotestahan ni Osmeña apan duha ka tuig gikan sa pag-file niya, 20% pa lang ang naihap kon 119 nga presinto diin si Rama gihapon ang labaw.

Tungod sa withdrawal, gimando sa Comelec ngadto sa Finance Service Department (FSD) pag-uli sa nahibiling cash bond nga kapin P1.1 milyon ni Osmeña. Ang Comelec miawhag kang Rama ug Labella pagluwat og komento sa pag-withdraw sa protesta sulod sa tulo ka adlaw.

Gihulagway ni Rama nga iyang mga kaatbang dili kabalo modawat sa kapildihan hinungdan nga nisang-at sila sa maong election protest.

Si Rama nidaog sa May 14, 2013 nga piniliay nga adunay boto nga 217,448 samtang si Osmeña aduna lamang 211,072 ka boto, labaw si Rama og 6,376 ka botos. Ang dakbayan sa Sugbo adunay 547,618 ka rehistradong botante apan 443,115 lamang ang nibotar niadtong piniliay. -  /EIM (BANAT NEWS)