Mananagat natulog gipusil patay

CEBU, Philippines - Patay ang usa ka mananagat nga gipusil samtang natulog sa ilang panimalay sa may dalan Juan Luna extention, Poblacion, dakbayan sa Danao alas 12 pasado ang takna sa udto niadto’ng Huwebes.

Si Police Officer 3 Marlon Remullo sa Danao City Police Station niila sa biktima nga si Wilbert Hermoso Galo, 35, minyo.

Matud ni Remullo nga nahinanok og katulog ang biktima diha’ng kalit lang gisulod sa wala mailhi’ng tawo ug gipusil usa ka higayun.

Ang biktima nga nakaangkon og samad pinusilan sa iyang nawong ang dali nga gihatud sa iyang sakop sa pamilya sa Danao Provincial Hospital apan gideklarar nga dead on arrival.

Nakaplagan  sa crime scene ang usa ka kabhang sa bala sa kalibre .45. (Romeo T. Limpangog/GMR)(BANAT NEWS)