Unom sikop sa saturation drive
CEBU, Philippines - Unom ka mga tawo ang nasikop sa mga sakop sa City Intelligence Branch sa Cebu City Police Office sa saturation drive sa duha ka barangay dinhi sa dakbayan sa Sugbo.
Matud pa sa hepe sa CIB , Superintendent Romeo Santander nga nasikop sa kapulisan ang usa ka Emerson Nudalo, 27, taga Bliss barangay Labangon human nakuhaa’g usa ka gamay nga pakete sa gituohang shabu ug usa ka kutsilyo.
Sunod nga nadakpan ilawom sa taytayan sa General Maxilom Avenue, barangay Kamputhaw ang upat ka mga lalaki nga nanuyop og drugas.
Naila ang mga dinakpan nga sila si Luis Daguplo, 40, taga barangay Tejero, Jeffrey Tanquis, 28, taga barangay Kamputhaw, Roger Silen, 18, ug Ronilo Silen, 19, taga B. Rodriquez , Sambag 2. Ang mga dinakpan nakuhaan og mga drug paraphernalia.
Laing nadakpan mao si Robert Paz Chan, 25, taga Quijano Compound, Calamba nga nakuhaan og tulo ka gagmay sa pakete sa gituohang shabu ug usa ka kutsilyo. (Jojo C. Ugdol/EIM)(BANAT NEWS)
- Latest
