Kawani sa brgy sikop sa buy-bust, napusilan

CEBU, Philippines - Gidakop sa kapolisan ang 38-anyos nga job order nga kawani sa Barangay Hall sa Buaya, dakbayan sa Lapu-Lapu atol sa buy-bust operation sa sitio Saac sa niaging Martes sa gabii.

Ang suspek nailhan nga si Rolando Matidios kinsa nakuhaan og pito ka gagmay’ng pakete sa ginadiling drugas og .38 revolver nga may unom ka bala. Nisukol unta si Matidios ug nisuway pagdagan apan gipusil  sa mga polis ug naigo sa tuo’ng bahin sa paa.

Gidala sa tambalanan si Matidios ug gikatakda’ng pasakaan sa tukma’ng kaso. (BANAT NEWS)