Dalaga gitulis

CEBU, Philippines - Nawad-an sa iyang salapi ug mahinungdanon nga mga butang ang usa ka dalaga nga gitulis sa armadong lalaki sa barangay Cansaga, lungsod sa Consolacion alas 7 pasado ang takna sa niaging gabii. Si Senior Police Officer 1 Francisco Perez sa Consolacion Police Station niila sa biktima nga si Mary Ann Daugdaug, 29, nga nagtrabaho sa usa ka mall ug nagpuyo sa nahisgutang dapit.

Matud ni Perez nga naglakaw padulong sa ilang panimalay ang biktima dihang kalit kini’ng gisugat sa nagkawo nga lalaki ug giti-onan og armas.

Gikuha sa tulisan ang shoulder bag sa biktima nga gisudlan sa iyang pitaka nga may kwarta nga wala matino ang kantidad, cellphone, company ID, mga kahimanan sa pagpaguwapa ug uban pa.

Kalma lang nga nibiya ang tulisan samtang gibati pa og hilabihan nga kahadlok ang biktima dihang nisumbong sa kapolisan. (Romeo T. Limpangog/GMR)(BANAT NEWS)