Revamp sa Dept. Heads ipatuman ni Rama

CEBU, Philippines - Subling mopatuman og lahugay sa mga department heads si Cebu City Mayor Michael Rama karong sunod semana.

Hinuon giklaro dayon ni Rama nga walay department heads nga matangtang sa pwesto sa iyang buhaton nga “reassignment” kanila.

Nagkanayon ang mayor nga himuon niya kini aron mas madasig ug mahagit pa ang mga department heads sa ilang mga trabaho.

“Bag-ong kadasig, bag-ong kinabuhi,” matud ni Rama

Ang siyudad adunay 22 ka mga departamento alang sa batakang serbisyo sa mga Sugboanon.

Matud pa ni Rama nga walay dautang tumong ang himuon niyang revamp.  (BANAT NEWS)