Operasyon lehitimo — PDEA7
CEBU, Philippines - Pabiling gibarogan sa Philippine Drugs Enforcement Agency-7 nga lehitimo ang operasyon nga misangpot sa engkwentro ang nahitabo niadtong nakalabay nga adlaw sa Sitio Aroma, Pulangbato nga gikamatay sa usa ka lalaki ug pag-angol og usa.
Si Jeffrey Bangsa ang director sa PDEA-7 miingon nga dugay na diay nila nga gipaubos sa pag-surveillance ang kalihukan sa mao’ng lugar human sa impormasyon ug reklamo nga iyang nadawat gikan sa mga nagpuyo sa mao’ng lugar. Apan gipasabot ni Bangsa nga ang namatay naila nga si Roland Limpag, 31,(dili ang una nilang nahatag nga impormasyon nga 15-anyos) nga taga Agnawe, Guba, Cebu City, nga nakompirmar sa Banat News base sa death certificate niini.
Sumala pa ni Bangsa dihang hamagan na nila ang drug den giunhan sila pagpusil sa grupo ni Randel Miñoza ug igo lang sab nga mibalos ang mga operatiba.
Gipasabot ni Bangsa nga wala pa sila masayod kung kinsa gayod ang nakapusil ni Limpag. Hinuon gipasabot ni Bangsa nga andam nila nga atubangon kung duna may reklamo ang ipasaka batok kanila.
“As law enforcement, we are always expose to counter charges, so hindi naman tayo tatakas du’n,” sigun pa ni Bangsa. Naangol sa maong operasyon si Jovanni Papas ug nasikop ang usa ka Reswin Leyson, 23. (BANAT NEWS)
- Latest
