Kanhi polis ug ang bata-bata sa laing kanhi polis suspek sa tulis

CEBU, Philippines – Gipanganlan na sa City Director sa Cebu City Police Office Senior Superintendent Noli Romana ang duha ka suspek sa pagtulis sa Western Union sa Barangay Guadalupe sa miaging semana, ug ang usa kanhi polis sa Mindanao.

Ang suspek giila ni Romana nga si Eugene Salingay, taga Oroquita City, Misamis Occidental kinsa giingong nataktak sa serbisyo tungod kay nag-AWOL (absence without official leave).

Ang laing usa mao ang ginganlan lang og “Pawpaw” nga giingong bata-bata sa kanhi polis nga si Ronilo Manuel, si Manuel nadakpan usab kaniadto tungod sa pagtulis sa usa ka estudyante.

Gisubay karon sa kapolisan kung unsay papel ni Manuel sa maong pagpanulis. Siya nataktak sa pagkapolis tungod sa pagsige og absent. Matud pa ni Romana nga si Pawpaw mao ang lalaki nga nakita sa CCTV camera nga nagsuot og helmet samtang si Salingay nagsul-ob og kalo.

Ang mga tulisan misakiyo sa P32 mil nga kinitaan sa Western Union lakip na ang mga bag ug cellphone sa mga empleyado. – /EIM) (BANAT NEWS)