4Ps Caravan atol sa National Family Day
CEBU, Philippines - Mopahigayun og caravan ang Department of Social Welfare and Development (DSWD-7) isip kabahin sa ilang pagsaulog sa National Family Day matag ikatulong semana sa buwan sa Septiyembre.
Ang kalihukan ipahigayun karong September 28, adlaw’ng Domingo, sa Plaza Independencia, dakbayan sa Sugbo nga tambungan sa dili mominus 5,000 ka beneficiaries sa Pantawid Pamilyang Pilipino Program (4Ps).
Ang DSWD-7 niawhag sa katawhan sa pagsaulog sa National Family Week.
Ang caravan nga may tema, "Sama-samang pagdiriwang ng magandang pagbabago sa buhay ng Pamilyang Pilipino," dungan nga himoon lukop nasud.
Tumong sa kalihukan ang paghatag og pasidungog sa mga nakabenepisyo sa 4Ps nga wala kawagtangi og paglaum bisan pa man sa kalisud sa ilang pagpuyo.
Kabahin sa maong kalihukan ang pagpaambit sa tagsa-tagsa ka mga kasinatian sa mga nakabenepisyo sa 4Ps. (BANAT NEWS)
- Latest
