Duha ka tanod sa Ermita ‘promotor’ sa sugal
CEBU, Philippines – Duha ka barangay tanod nga sakop sa Barangay Ermita, Cebu City, ang gisikop sa City Intelligence Branch (CIB) sa Cebu City Police Office, human nahibaw-an ug naaktohan nga mao diay nagpaluyo sa ilegal nga sugal nga hantak sa maong lugar, Sabado sa alas 10 sa gabii.
Ang mga gipangsikop naila nga sila si Bryan Mahilum, ug Crisanto Palermo, pulos nagpuyo sa Ermita Proper, Cebu City. Si Inspector Gomersendo Mandawe ang deputy chief sa CIB nga nahinabi sa Banat News nagkanayon nga ang mga nanindahay sa maong lugar ang unang mitug-an sa kapulisan may labot sa ilegal nga sugal nga hantak sa maong dapit nga matud pa mga tanod ‘sab ang nagbantay.
Sumala pa ni Mandawe nga unang nakabantay ang mga nagdula sa hantak nga duna’y nagpaingon nga mga polis ug naglumbaanay og dagan ug nahibilin ang duha ka tanod nga sumala pa naka-uniporme pa ang usa nila.
Sa gihimo nga imbestigasyon sa mga operatiba, matud pa miangkon ang mga tanod nga duna’y sugal nga hantak sa maong lugar. -/EIM) (BANAT NEWS)
- Latest
