JOs sa Toledo wala pa sweldohi
CEBU, Philippines - Mitiyabaw na ang mga job order nga mga kawani sa Toledo City Hall human hangtud karon wala pa makadawat sa ilang binuwan nga suhulan.
Giingong tulo ka buwan nga suhulan sukad sa buwan sa Hunyo hangtud sa Agosto ang wala pa madawat.
Nireklamo na ang mga JO tungod kay wala na sila’y magasto sa inadlaw-adlaw nga konsumo ug wala na’y magpautang tungod kay wala pa makabayad.
Nasayran nga kapin sa usa ka gatos ka JO ang wala pa makadawat sa ilang suhulan nga tag P2,500 nga suhulan matag buwan.
Nasayran nga gilungkab ang City Treasurer’s Office diin kapin sa usa ka milyon ang nahanaw nga para sa sweldo sa mga kawani.
Samtang mokabat sa kapin sa P20 mil nga kuwarta ug mga kabtangan ang nadagit sa wala mailhing kawatan human gilungkab ang day care ug health center sa Dumlog sa maong dakbayan.
Nadagit sa mga kawatan ang P4,000 nga kuwarta, usa ka DVD player nga nagkantidad og P2,500 ug tulo ka speakers nga adunay sound woofer nga gibana-bana nga anaa sa P15,000.
Hinuon aduna nay gitumbok ang kapolisan nga posibleng suspek diin gituohang notadong kawatan nga nagpuyo ra usab sa maong barangay. (Raymond Abarcas/GMR)(BANAT NEWS)
- Latest
