Drayber mikurog sa pagtulis

CEBU, Philippines - Taxi driver gitulis ug gikuhaan sa iyang kinitaan didto sa Airport Road Hangar sa Barangay Basak, Lapu-Lapu kaniadto’ng Miyerkules.

Ang gitulis mao si Bernardo Evangelista, 54, lumolupyo sa Sitio Kauswagan, Barangay Basak-Pardo, dakbayan sa Sugbo ug drayber sa taxi nga may plate number GXR-164.

Sigon sa imbestigasyon ni PO2 Ivan Sarsuelo sa Lapu-Lapu City Police Office-Station 4, ang pagpanulis nahitabo alas 11:10 sa gabii diin si Evangelista nagmaneho gikan sa dakbayan sa Mandaue paingon sa Basak. Duha ka taason nga tawo ang nisakay sa iyang taxi ug nagpahatud sa Lapu-Lapu. Diha nga naabot sila sa ngitngit nga bahin sa may airport, kalit gitionan og hait nga hinagiban ang drayber.

Si Evangelista wala makalihok sa kahadlok ug walay nahimo gawas sa paghatag sa iyang P2,700 nga kinitaan. Wala na g’yud madakpi pa ang mga tulisan.  (BANAT NEWS)