Newsboy mimolestiya sa mga anak
CEBU, Philippines – Gireklamo sa kaugalingong mga anak ang usa ka 47- anyos nga amahan nga usa ka newsboy tungod sa giingong paglugos niini kanila matag higayon nga kini mahubog.
Dunay siyam ka mga anak ang suspek, ang lima niini giingong gihilabtan sa suspek. Ang banay nagpuyo sa usa sa mga barangay dinhi sa dakbayan sa Sugbo.
Si May, 21, kansang tinuod nga pangalan gipugngan sa Banat News mitug-an sa mga tigbalita nga wa na sila kaantos sa gihimo kanila sa ilang amahan sa higayon nga kini mahubog. Sumala pa nga ang gipangmolestiya sa suspek nag-edad pa og 9, 11 , 14 pulos lalaki ug ang 7-anyos nga babaye.
Gibutyag ni May nga sa dose anyos pa siya giduwaan usab sa suspek ang iyang kinatawo. Matud pa gipanghulga hinuon silang pamatyon tanan dihang nasakpan sa ilang mama. Ang suspek kusganong mihimakak sa mga pasangil.
Bisan way nakitang senyales nga giamong-amongan ang mga bata human sila mapaubos sa medical examination wala kini magpasabot nga wala abusoha ang mga bata matud pa sa mga polis. - /EIM (BANAT NEWS)
- Latest
