Informal settlers sa Paknaan duna nay panginabuhian

CEBU, Philippines- Mga gi-relocate nga informal settlers sa dakbayan sa Mandaue duna nay kapangina-buhian pinaagi sa paghimo og Interlocking Compressed Earth Block (ICEB) nga alternatibo karon sa hollow blocks sa pagtukod og mga balay.

Mao usab kini ang gamitong materyales sa mga bungbong sa mga balay nga tukoron diha sa 6.5 hektaryang luna sa Barangay Paknaan nga maoy gihimong relocation site alang sa 1,200 ka mga pamilyang gipang-demolish gikan sa nagkadaiyang dapit sa siyudad sa Mandaue.

Gisubhan na sa naghugpong nga mga informal settlers ang bag-o nilang  hydraulic machine nga  gamiton pagpitpit sa mga materyales nga himuong ICEB.

Si Leopoldo Echavez nga sakop sa  management council committee  sa kagamhanan sa maong dakbayan miingon nga hydraulic machine nga nagkantidad og P300 mil napalit gikan sa kaugalingong salapi sa nagkahugpong nga 400 ka mga informal settlers  sa Barangay Paknaan.

Si Engineer Noel Zeta nga maoy consultant sa nahisgutang livelihood program miingon nga ang maong makina ginama lang dinhi mao nga salig silang di maputol ang operasyon niini sanglit mapalit lang ang mga piyesa niini dinhi. - /EIM) (BANAT NEWS)