Mga bata napaig sa sunog sa sibonga, “Made in China” ceiling fan, gidudahan
CEBU, Philippines - Maayong pagkapaig sa duha ka mga bata human naapil kini pagkasunog sa ilang panimalay kagahapon sa hapon diha sa Barangay Bato, Sitio Kansantik, Sibonga.
Ang panimalay sa magtiayong Armando ug Gemma Sarnillo naugdaw apan naapil ang duha nila ka mga anak nga sila si Ezequil Gab Sarnillo, 4, ug Philip Hans Sarnillo, nga usa pa ka tuig ang pangidaron.
Matud pa ni Senior Inspector Rolando Antipolo, ang hepe sa Sibonga Police Station nga nahinabi sa Banat News nga wala sa maong panimalay ang mga ginikanan sa mga bata dihang nahitabo ang sunog.
Sumala pa nga trabaho isip guwardiya dinhi sa Sugbo ang amahan, samtang milakaw sab ang inahan niadtong tungora kay nangita og bugas para malung-ag ug nabilin sa balay ang mga bata nga natulog.
Sa pakighinabi ni Antipolo sa inahan sa bata, ang ceiling fan nga “made in China†ang gitudlo niini nga posibleng hinungdan sa sunog tungod kay nabantayan na niining daan nga duna kini deperensya.
Apan ang pagduda sa inahan wala pa makompirmar sa kabomberohan atol ning pagsulat sa balita.
Si Antipolo miingon nga layo ra gyud kaayo sa mga silingan ang balay nga nasunog. “Dili na g’yud maila ang mga lawas sa bata,†matud pa ni Antipolo.
Sumala pa nga duna’y mga silingan nga nakadungog og hilak sa mga bata sa dihang nahitabo ang sunog apan wala lang sab kini mitagad gumikan nagto-o kini nga regular lang nga hilak ang ilang nadungog, apan ulahi na nga ilang nakita nga daku na nga sunog ang milamoy sa maong panimalay. (BANAT NEWS)
- Latest
