1.6M tinun-an modagsa sa mga eskuylahan sa CV karon
CEBU, Philippines - Gipaabot nga modagsa ang 1.6 milyones ka mga tinun-an sa elementarya ug high school sa nagkadaiyang mga eskuylahan nunot sa pagbukas sa klase karong adlawa sumala pa sa Department of Education (DepEd)-7. Matud pa ni DepEd-7 Regional Director Carmelita Dulangon karong semanaha gipaabot nga mosumitir sa kompletong listahan sa gidaghanon sa mga estudyante gikan sa 19 ka mga schools division superintendents.
Dinhi sa Central Visayas, dunay 3, 425 ka mga bag-ong gidawat nga mga magtutudlo aron idugang sa kasamtangang 44, 000 ka mga magtutudlo.
Matud niya kadtong mga eskuylahan nga kuwang og magtutudlo maoy ilhon sa mga division superintendents aron madugangan kini base sa gidaghanon sa pagtubo sa populasyon sa ilang mga tinun-an.
Kadtong mga lugar nga naapektahan sa bagyo ug linog, giplanuhang ipaubos sa “three-day school week scheme†gumikan sa kakuwang sa mga lawak-saringan.
Base sa talaan sa DepEd, 1,973 ka classrooms sa Sugbo ang “slightly damaged†samtang 366 usab ang nangaguba tungod sa bagyo ug linog.
Samtang 11,491 ka elementary schools ug 630 secondary schools sa 4th District ang nangaguba, hinuon si Dulangon mipasalig nga na-repair na kini.
Matud niya 50 porsiyento sa mga klase sa amihanang Sugbo magbanos-banos pagklase sa mga tents. (BANAT NEWS)
- Latest
