Mga polis sa LLCPO andam motubag sa reklamo
CEBU, Philippines - Mga polis nga sakop sa City Anti-Drug Enforcement Special Task Force (CAIDSOFT) sa Lapu-Lapu City Police Office (LLCPO) kinsa nakapusil patay sa duha ka suspetsadong drug pusher andam motubag kung ang pamilya sa ilang napusilan moduso og reklamo batok kanila ngadto sa Commission on Human Rights (CHR).
Sila si Romeo Daleon alyas “Otikâ€, 30 ug Marlon Ampatuan Yungco, 29, napatay kini sa grupo ni Senior Inspector Rogelio Pineda hepe sa CAIDSOFT sa LLCPO atol sa nahitabong pinusilay dihang ang mga polis nagpahigayon og buy-bust operation kang Daleon.
Si Pineda nangangkon nga si PO3 Joseph Villamor kinsa maoy gihimong decoy niadtong higayona ang unang gipusil sa grupo ni Daleon ug Ampatuan hinungdang mibawos usab sila sa pagpamusil.
Laing kauban nila ni Daleon ug Ampatuan ang giingong naangol kini human maigo sa tiil sa nahitabong engkwentro.
Gihimikak ni Pineda ang pasangil nga nasobrahan nila sa pagpamusil si Daleon ug Ampatuan.
Dugang ni Pineda nga wala sila’y angayang kabalak-an tungod kay legal ang mao nilang operasyon ug duna sila’y koordinasyon niini ngadto sa Philippine Drug Enforcement Agency (PDEA). (BANAT NEWS)
- Latest
