CCPO-WCPC andam mopasaka’g kaso vs nurse sa Maternity hospital
CEBU, Philippines - Andam nga mopasaka og kaso ang Women’s and Children Protection Center sa Cebu City Police Office sa nurse sa Maternity Hospital nga giingong mi-plaster sa baba sa batang masuso sa nakalabay nga adlaw.
Matud ni Police Inspector Luzviminda Langbid , hepe sa maong buhatan mihimo sila og emergency meeting kagahapong adlawa kauban ang taga Department of Health, Commission on Human Rights, ug mga imbestigador sa police station diin masakop ang maong tambalanan aron momugna og fact finding committee.
Kagahapong adlawa usab kutob ang tagal nga gihatag sa Department of Health 7 ngadto na sa maong hospital aron makahatag og report may labot sa maong panghitabo.
Gipasabot pa ni Langbid nga kasong Child Abuse ang mahimo nilang mapasaka batok sa nurse o medical personnel nga naghimo niini.
“Sa nurse posibleng child abuse, kung kinsa ‘tong mga duty nurse at that time. Sa hospital ang DOH, siguro sa lisensya sa hospital,†matud pa ni Langbid.
Sumala pa sa opisyal nga misulay unta sila sa pagbisita sa Cebu Maternity Hospital niadtong nakalabay nga adlaw aron unta mokuha og dugang impormasyon sa maong kaso apan giingon nga wala sila pasudla sa guwardiya sa maong hospital ug gipapaabot pa sila og kapin tulo ka oras sa gawas.
Isip usa ka inahan, mibati ‘sab og kadismaya si Langbid sa maong hitabo ug nanawagan sa mga hospital nga nag-atiman og mga bata nga isipon sab unta nila nga ilaha’ng anak ang ilang giatiman aron mahatag nila ang pagmahal alang sa mga bata. (/EIM)(BANAT NEWS)
- Latest
