124 gikasohan tungod sa wa pagbahig sa ilang basura
CEBU, Philippines - Dunay 124 ka panimalay ang gipasakahan og kaso sa Cebu City Environment Sanitation and Enforcement Team (Ceset) gumikan sa paglapas sa waste segregation policy ubos sa Republic Act 9003 (Ecological Solid Waste Management of 9003).
Matud Grace Luardo, pangulo sa CESET, nga kini maoy resulta sa ilang gipahugtang implimentasyon sa balaod ug agi’g pag-edukar usab sa mga lumolupyo sa importansya sa waste segregation ug di paghugaw-hugaw sa palibot.
Sukad niadtong Marso 1, dunay 376 ka panimalay ang na-isyuhan og citation tickets gumikan sa wa nila pagbahig sa ilang basura, sumala ni Luardo.
Matud niya nga gimandoan na ang maong mga pamilya nga pabayran sud sa pito ka adlaw ang ilang multa nga P500 gikan naisyuhan og citation tickets o ang pagpahimo og community service.
Apan ang maong 124 ka pamilya nagmagahi sa pagbayad o bisan na sa pagserbisyo sa katilingban hinungdan nga gipasakaan sila karon og kaso.
Kadaghanan kanila mga molupyo sa barangay Quiot ug Capitol Site.
Samtang, pito gawas sa kapin 100 ka drivers usab gipasakaan usab og susumang kaso. Unom kanila sakop sa City Department of Public Services (DPS) ug usa sa barangay Basak-Pardo.
“This serves as a warning. Sayon ra man pagtuman sa balaud kinahanglan lamang og saktong disiplina sa kaugalingon nga dili pataka og labay sa basura ug paglimpyo sa tungkaran within 5-meters and proper garbage segregation,†matud pa ni Luardo.(/EIM)(BANAT NEWS)
- Latest
