Upat ka lalaki sikop atol sa saturation drive

CEBU, Philippines - Nagtingkagol sa Waterfront Police Station detention cell ang upat ka mga lalaking giingong nasakpang naghupot og drug paraphernalia atol sa gipahigayong saturation drive sa kapolisan niadtong Martes sa gabii.

Ang nasikop naila nga si Jesus Israel, 43, Quirino Llinedo, 40, Janno Añora, 23,  mga molupyo sa Ponce Dos, sa barangay Carreta, dakbayan sa Sugbo ug si Marvin Omega, 42, nga taga Villagonzalo Uno sa barangay Tejero.

Giingong nasigpatan sa kapolisan ang maong mga lalaki nga naghupot og mga kahimanan sa pagsuyop og shabu hinungdang gipangsita kini.

Kaso nga kalapasan sa Section 12 sa Article 2 sa “Comprehensive Dangerous Drugs Act” o ilegal nga paghupot og drug paraphernalia ang ipasaka batok sa upat. (BANAT NEWS)