‘Mama’ sa batang runner sa masiao gisikop
CEBU, Philippines - Usa ka babaye nga nangangkong inahan sa batang lalaki nga naghatud og tip sheets sa masiao gipadakop sa hepe sa lungsod sa Alegria sa miaging hapon. Ang nasikop naila nga si Arlene Paracueles, 39, molupyo sa barangay Malhiao sa lungsod sa Badian kinsa giingong nagpailang inahan sa bata.
Giatubang mismo ni Paracueles ang hepe sa polis nga si Senior Inspector Ronilo Macasilhig ug si Mary Jane Ebale sa social welfare sa lungsod aron unta pugngan nga matugyan ngadto sa Department of Social Welfare and Development (DSWD) ang maong bata. Apan sa pakisusi sa kapolisan nahibaw-an nga si Paracueles namakak ug dili mao ang inahan sa bata. Nasuta nga bayaw diay siya sa usa ka gidudahang masiao operator nga giingong maoy amo sa bata.
Nasuta nga gisugo lang sa iyang bayaw ang maong babaye aron sa pagkuha sa bata.
Mag-atubang og kasong kalapasan sa Article 178 sa Revised Penal Code kon “using fictitious name and concealing true name†ug “obstruction of justice†ang suspetsado. - /BDB (BANAT NEWS)
- Latest
