Linog mitay-og sa Sugbo ug Bohol

CEBU, Philippines - Daghan ang nakurat kagahapon sa buntag dihang gitay-og na usab ang Bohol ug Sugbo sa Magnitude 4.1 nga linog nga didto magsukad sa probinsya sa mga Bol-anon.

Gitay-og sa linog ang mga dapit sa Central Visayas mga alas 10:24 sa buntag diin ang mga lungsod sa Carmen, Inabanga ug Batuan gibana-bana nga nakasinati og Intensity 4.

Ang Philippine Institute of Volcanology and Seismology (Phivocs) miingon nga ang mga dapit sa Sugbo nakasinati lang og Intensity 3, sama sa mga lungsod sa Loboc ug Catigbian.

Hinoon, walay mga gikataho nga namatay sa mao nga kadiyot ra kaayo nga pagtay-og nga milungtad lang og pipila ka segundos. Ang Sugbo ug Bohol nahiagum og dakong kadaut kaniadtong Oktubre 15 dihang gitay-og kini sa Magnitude 7 nga linog.

Apil nga grabe’ng naapektahan mao ang Cebu City Medical Center (CCMC) nga dili na kapahimuslan tungod sa pagkasinati og dagko nga mga liki sa bungbong ug ubang parte sa building. (BANAT NEWS)