30 ka kombiktado sa Mandaue ibiyahe paingon sa Muntinlupa
CEBU, Philippines - Gitinguha karon sa bag-o nga miasumir nga warden sa Mandaue City Jail nga mapadala na ngadto sa New Bilibid Prisons sa Muntinlupa City ang 30 ka “insular prisoners†nga nakombikto og subra sa tulo ka tuig nga pagkabilanggo. Si Chief Inspector Gil Inopia miingon nga anamon nila ang pagpadala sa mga insular prisoners didto sa Muntinlupa tungod kay agdon ra nila ang budget nga magamit sa pletehan sa mga piniriso apil ang mogwardya kanila.
Sagad sa mao nga insular prisoners nakombikto sa kaso kabahin sa ilegal nga drugas. Kadtong nakaserbisyo na og pipila ka tuig sa Mandaue City Jail isumpay na lang ang katuigan nga nahibilin sa ilang sentensya pag-abot nila didto sa Muntinlupa.
Kun mapadala na ang 30 ka insular prisoners makuhaan ang 1,009 ka piniriso nga anaa karon sa Mandaue City jail nga gihimo lang unta alang sa 500 ka piniriso. Sa pagkakaron, gihimoan nila og double deck ang mga higdaanan aron paigoon ang luna sa matag selda. (/EIM)(BANAT NEWS)
- Latest
