Baybayon gikoral, mga mananagat mitiyabaw
CEBU, Philippines - Mga mananagat nangayo og panabang kang Konsehal Antonio “Jojo†Bacaltos, Jr., chairman sa committee on environment tungod kay dili na sila makaparada sa ilang mga baroto diha daplin sa baybayon tungod kay gikural na kini sa mga pribadong tawo.
Si Bacaltos nga nahinabi sa Banat News mibutyag nga upat ka grupo sa mga mananagat ang mianha sa iyang buhatan ug nangayo og panabang sa mao nilang problema.
Matud ni Bacaltos nga diha dapit sa boundary sa barangay Tanke ug Cansojong dunay usa ka pribadong negosyante ang mikural sa baybayon.
Ang maong negosyante giingong nakakuha og fencing permit gikan sa city hall niadtong buwan sa Agosto sa milabay’ng tuig.
Matud usab ni Bacaltos nga gipangitaan niya og paagi nga masulbad ang maong problema sa mga mananagat.
Gibutyag ni Bacaltos nga ang maong negosyante miadto kini sa buhatan ni Konsehal Doroteo Emit kinsa miyembro sa committee on environment.
Ang maong negosyante gihangyo ni Emit nga paatrasan ang iyang kural samtang mao pay pagsugod niini aron dunay gamay’ng lugar nga maparadahan sa mga mananagat sa ilang mga baroto. (BANAT NEWS)
- Latest
