Lima ka politiko sa kaulohan posibleng manganhi sa Sinulog

CEBU, Philippines - Sa lima ka mga imbitadong politiko sa kaulohan alang sa selebrasyon sa Sinulog karong Domingo, si Cebu City Mayor Michael Rama kampante nga si Bise Presidente Jejomar Binay motambong sa tinuig nga kasaulogan.

Sumala ni Rama nga nahinabi na niya si Binay sa telepono kabahin sa iyang imbitasyon. Apan ang buhatan ni Binay didto sa kaulohan mibutyag sa Banat News pinaagi sa text message nga wala pay itinerary ang bise presidente.

“Wala pa po palang itinerary for the Cebu Sinulog trip. Baka po bukas or Saturday pa ma-confirm kung tuloy si VP or Sat,” matud sa tigpamaba ni Binay.  Si Rama mi-imbetar usab nila  Richard “Dick” Gordon, ang managsuon nga Senator Pia ug Allan Cayetano, Binay ug Cynthia Villar.  (BANAT NEWS)