Magsuong carnapper nadakpan
CEBU, Philippines - Nasikop sa kapolisan pasado alas 9:00 sa miaging gabii sa Good Shepherd, barangay Banawa sa dakbayan sa Sugbo ang duha ka managsuon nga ex-convict nga gitudlong maoy mikuha sa motor sa usa ka lalaki nga igo lang mipalit og tubig.
Ang suspetsado naila nga sila si Eleuterio Mojado, 43, ug si Lauro Mojado, 42, pulos molupyo sa sitio Mahayahay, barangay Guadalupe sa dakbayan sa Sugbo.
Si Eleuterio nakuhaan og kalibre .45 nga armas samtang si Lauro nakuhaan og kalibre.38 nga revolver. Matud pa ni Cleofas Montuya, 52, ang tag-iya sa motor nga kadiyot ra kaayo niya gibilin iyang motor nga nagtangag pa sa iyang yawe.
Apan gisakyan kini sa duha ug mipasutoy niini, swerte nga dunay nakaila kanila ug nakatultol sa ilang gipuy-an maong nasundan sila sa mga polis.
Ang mga suspetsado nga nahinabi sa mga tigbalita hugot nga mibalibad ug mihagit kini ni Montuya nga kun duna kini saksi ipakita kini. (BANAT NEWS)
- Latest
