CEBU, Philippines - Hayan magamit na sa kagamhanan sa syudad sa Talisay ang Macapagal-Gullas Fish Port nga nahimutang sunod sa South Road Properties kon SRP sa syudad sa Sugbo.
Kini human ang kinabag-ang mga sakop sa konseho sa syudad sa Talisay nihatag na og pagtugot sa resolusyon nga naghatag usab og pagtugot sa usa ka international company nga mao ang OCB limited nga maoy modumala sa maong pantalan. Si Mayor Jhonny Delos Reyes naglaum nga makakolekta og minilyon ka pesos nga buhis ang syudad tungod sa kadako sa nahisgutang proyekto.
Gipaabot nga modunggo ang mga dagko ug luhong mga barko sama sa yati, cruise ships ug uban pa nga siguradong maghatag og dakong kalambuan sa syudad.
Ang mayor nagkanayon nga sugdan ang feasibility study aron mao unya ang basehanan sa pagahimuon ug pagatukuron nga international port sanglit palapdan man usab ang dunggoanan niini. (BANAT NEWS)