Ang hagit sa batan-ong kongresista nga si Samsam

CEBU, Philippines - Usa sa dakung hagit sa bag-o ug batan-ong kongresista mao nga makabaton og respeto sa ubang mga kongresista sama sa pagrespeto niini ngadto sa iyang apohan nga banggiitang magbabalaod.

Ang 29-anyos nga si first district Representative Gerald Anthony “Samsam” Gullas, Jr. nagkanayon nga usa sa iyang dakung hagit mao ang makabaton og respeto gikan sa ubang mga kongresista sama sa pagrespeto niini ngadto sa iyang apohan nga si kanhi kongresista Eduardo Gullas.

“One of the challenges in Congress is to the people respect you the way they respected my grandfather….Lisud gyud kaayo kay ang imong mga makauban mga sikat na ug kaniadto sa TV lang nako makita ug karon nakauban na nako”, ni Samsam pa.

Matud ni Samsam nga kinahanglang maningkamot siya og maayo nga makabaton og pangalan ngadto sa Kongreso.

“If you want to make a name in Congress, dapat you have to make the right Bill, you have to make a right comment to certain Bill for people to get notice of you…..The biggest challenge in Congress is trying to put in but at the same time trying to excel as well”, pasabot ni Samsam.

Giangkon ni Samsam nga sukad niadtong tuig 2001 dili gyud siya ganahang mosulod sa politika o mokandidato apan dihang mitabang siya sa iyang manghud nga si Talisay City councilor Eduardo “Digul” Gullas III nakita niya nga ang paghatag og serbisyo ngadto sa publiko usa ka maayong gimbuhaton.

“I was reluctant candidate since 2001 but after 2010 nga mitabang ko ni Digul it turned out that for the right reason you should in public service…. It’s a great job….It’s a great job because you can help and you can influence so many people in your doing”, pasabot ni Samsam.

Laing hagit ni Samsam mao ang paghatag og mga proyekto ug kaayohan ngadto sa katawhan sa iyang distrito nga wala nay PDAF.

“They say dili na mi mohilabot og mga project or anything pero the constituents to your district needs you to give project for them”, butyag ni Samsam.

Ang maong sitwasyon matud sa batan-ong Kongresista usa ka dakung hagit ngadto kaniya ug sa ubang mga Kongresista.

Gibutyag ni Samsam nga nagkinahanglan pa silang mohangyo sa mga ahensiyang naghupot sa budget alang sa mga proyekto aron ang ilang distrito mahatagan og proyekto.

Subay niini, si Samsam mapasalamaton kaayo sa mga tawo sa iyang palibot ilabi na sa iyang pamilya ug apohan nga si Eddigul kinsa kanunay’ng mitabang ug mitudlo kaniya sa iyang mga gimbuhaton isip Kongresista.

Gibutyag ni Samsam nga ang staff sa iyang apohan nga si Eddigul sa Manila ug dinhi sa Sugbo ang mitabang usab kaniya sa iyang mga gimbuhaton.

Ang mga mayor sa kalungsuran nga ubos sa unang distrito gipasalamatan usab ni Samsam tungod kay sa pag-agak niini kaniya daghan siyang nakat-onan.

Gipadayag ni Samsam nga isip apo sa usa ka banggiitang magbabalaod kinahanglang responsable siya sa iyang mga obligasyon tungod kay ang pagkaresponsable mao usab kini ang iyang nakita sa iyang apohan.

“Being with my grandfather and being how hard he has worked, we put in a position we are today, we have to assume that there is responsibility being a grandson of former Governor, former Congressman and former Mayor”, matud ni Samsam.

Padayon usab ni Samsam nga isip apo ni Eddigul kinahanglang kanunay nilang i-asumir ang mga responsibilidad aron mahisama usab sila sa ilang apohan nga malampuson sa kinabuhi.

“Paghukom nako nga modagan na gyud ko pagka-Congressman andam na gyud ko nga ihatag akong time and all responsibility as candidate andam na gyud ko tungod kay nakita nako nga mao nay binuhatan ni Papa Eddie”, butyag ni Samsam.

Ang batan-ong Kongresista kinsa mi-idolo sa iyang apohan mihulagway sa iyang kaugalingon nga usa ka opposite version sa iyang apohan.

“Dili kaayo ko maayo version ni Papa Eddie tungod kay si Papa Eddie ngilngig na kaayo pero maybe through the years maparehas nako ni Papa but right now daghan mi og similarity ni Papa apan ubos pa gyud ko”, mapaubsanong saysay ni Samsam.

“ I want to have same characteristic with Papa Eddie , his humility, his kind heart pero layo pa gyud kaayo ko og abton para ma-Papa Eddie ko, I will always follow his footstep”, dugang ni Samsam.

Plano ni Samsam sa umaabot nga buot siyang magpadayon isip Kongresista  ug nanghinaot siyang dili lang siya kutob sa usa lang ka termino.

“I planned to stay….Hopefully dili ko one term Congressman….I will run again in 2016 and hopefully I have the same result”, panghinaot ni Samsam. (BANAT NEWS)