9-anyos nga mikuyog sa Christmas party nalumos sa pool

CEBU, Philippines - Patay ang 9-anyos nga batang babaye human kini giingong nalumos niadtong Biyernes sa gabii diha sa usa ka beach resort sa barangay Dumlog, dakbayan sa Talisay.

Ang nalumos mao si Glaze Lopez, residente sa barangay Lagtang, dakbayan sa Talisay patay nang nadangat diha sa Talisay City District Hospital.

Sa imbestigasyon sa grupo ni Insp. Rogen Fodutan nasuta nga ang bata kuyog kini sa iyaan nga si Ever Tabay diha sa lugar nga mitambong sa Christmas party sa faculty sa Lagtang National High School.

Giingon  nga ang bata mibuwag sa grupo ug napalgan kini sa laing magtutudlo nga si Ambrosio Leones nga nalumos na diha sa swimming pool.

Daling gidala ngadto sa TCDH ang bata apan gideklara kini sa doktor nga patay na pag-abot sa tambalanan. (BANAT NEWS)