Mobile court motabang paghusay sa kaso dinhi
CEBU, Philippines - Agi og pagsanong sa panawagan sa Court Annexed Mediation (CAM) Center sa Marcelo Fernan Hall of Justice, usa ka mobile court gikan sa Korte Suprema ang miabot niadtong Martes sa hapon dinhi sa Sugbu aron pagtabang paghusay sa mga kasong nangatanggong tungod sa duha ka nagsunod nga kalamidad sa Central Visayas.
Usa sa mga opisyal sa CAM nagkanayon nga human sa linog nga miigo sa Visayas niadtong Oktubre 15, 2013 ang ilang pangulo nga si Carmela Cuizon mipadala og suwat sa Justice on Wheels (JOW) nga nanghangyo og mobile court dinhi. Matud niya nga ang mobile court gamiton aron pag-mediate og mga kaso, mohusay kini sa mga kaso dili lang sa Marcelo Fernan Hall of Justice sa Capitol Compound sa Cebu City kun dili lakip sa tanang korte sa Probinsya sa Sugbu.
Duna usab laing mobile court nga naka-parked sa atubangan sa Hall of Justice, apan matud pa nga kini intended para sa Guihulngan, Negros Oriental ug Tacloban City.
Si Regional Trial Court (RTC) Executive Judge Soliver Peras nagkanayon nga wala siya’y ideya nganung naay mobile courts kay wala man sila mo-request niini apan nahisgutan kini dihang miduaw si Court Administrator Midas Marquez dili palang dugay.
“I hope anhi na diri ibutang pero ang Tacloban also needed it,†matud niya. (BANAT NEWS)
- Latest
