PNP ug MCBC nangandam kontra bank robbers
CEBU, Philippines - Ang Metro Cebu Bankers Club mihangyo sa kapolisan kabahin sa higpit nga pag-monitor sa mga tulisan nga posibleng naglihok dinhi sa Sugbu.
Si Superintendent Resty Santos, officer-in-charge sa Talisay City Police Station mibutyag nga sa gipahigayong binuwang meeting tali sa kapolisan ug MCBC usa sa nahisgutan ang kabahin sa bank robbers.
Ang mga polis miawhag usab og hangyo sa MCBC nga mosumbong usab dayon ngadto sa polis kun ugaling duna sila’y madawat nga report kabahin sa bank robbers aron makagama dayon sila og aksiyon o mga plano.
Ang MCBC mipasalig kining mohatag og record sa footage sa ilang Close Circuit Television (CCTV) cam kun ugaling dunay mahitabong insidente nga maoy basehan usab unya sa kapolisan sa ilang imbestigasyon ug operasyon.
Hinuon matud ni Santos nga wala sila’y nadawat nga intelligence report kabahin sa mga bank robbers apan bisan pa niini kanunay silang magmabinantayon. (BANAT NEWS)
- Latest
