Pagtukod og balik sa kabalayan sa Northern Cebu sugdan na sa Kapitolyo

CEBU, Philippines - Sugdan na sa kagamhanan sa lalawigan sa Sugbo ang rehabilitation process alang sa mga nabiktima sa bagyo didto sa amihanang bahin sa probinsiya sa Sugbo.

Sigon sa report nga ang Provincial Social Welfare Office magsugod na sa pagpanghatag og mga construction materials ang Kapitolyo niadtong mga pamilya nga nabiktima sa bagyo didto sa Northern Cebu.

Ang PSWO nanglista ug nisusi na sa gidaghanon sa kabalayan ang kinahanglang tukoron.

Sigon pa ni Provincial Social Welfare officer Evelyn Sinajon nga ang tanang mga hinabang financial sa Kapitolyo ipaagi sa mga Local Government Units kon (LGU).

Kini tungod kay ang LGUs mao ray gitahasan sa pagpamalit og mga construction materials alang sa mga nabiktima sa bagyo sa tagsatagsa ka mga lungsod ug syudad sa amihanang bahin sa Sugbo.  (BANAT NEWS)