Naabswelto sa kasong murder gipatay
CEBU, Philippines - Patay ang usa ka ex-convict nga drayber og habal-habal dihang gipaulanan kini og bala sa wala pa mailhing mga tawo sa dalan Duterte sa Forest Hills, Banawa, barangay Guadalupe sa dakbayan sa Sugbo sa alas 12:40 sa miaging kaadlawon.
Ang biktima naila nga si Ernesto Obrador, 25, molupyo sa dalan Duterte sa Forest Hills, Banawa, barangay Guadalupe sa dakbayan sa Sugbo.
Base sa inisyal nga imbestigasyon sa Homicide Section nga ang biktima luwan sa iyang motorsiklo dihang gipaulanan og bala sa wala pa mailhi nga mga tawo.
Nasuta sa imbestigasyon nga nagsakay sab og motor ang mipusil sa biktima ug misibat dayon sakay sa usa ka Honda XRM nga motorsiklo.
Matud sa report sa Balitang Bisdak, ang igsoon sa biktima nga si Elena Obrador miingon nga duha pa lang ka semana gikan na-abswelto sa kaso nga murder ang iyang igsoon.
Mibutyag kini nga gisultihan pa siya sa biktima nga duna kini nakaaway ug magpasugat kini kaniya, apan iyaha kining gitambagan nga papaulion na lang bahala na og tawgon siya nga talawan.
“Niana man na siya gabii nga ‘Nang naa koy kontra diri aria ko sa ubos, ingon ko pauli diri kay mas maayo pang nganlan tag talawan nungka nga mosukol ka,†sa interview sa Balitang Bisdak.
Narekober sa crime scene ang pito ka kabhang sa kalibre .45 tulo ka deformed slugs ug ang celfone sa biktima. (BANAT NEWS)
- Latest
