Sultan Kiram namatay na

CEBU, Philippines - Namatay na niadtong Domingo sa edad nga 75-anyos si Sultan Jamalul Kiram III, ang giilang Sultan sa Sulu kansang mga sakop misulong sa Sabah aron i-reclaim og balik ang maong teritoryo nga matud pa niya iya sa Pilipinas ug dili sa Malaysia.Gikompirmar ni Princess Jacel Kiram-Hasan sa dzBB radio interview sa GMA News.Tv, nga namatay na ang iyang amahang sultan tungod sa sakit sa kidney.

"He passed away (at) 4 a.m. due to organ failure," matud pa niya sa maong interbyu. Ang sultan na-confine sa Philippine Heart Center sukad pa niadtong adlaw nga Huwebes.

Apan bisan pa man sa kamatayon ni Kiram ang tigpamaba niini nga si Abraham Idjirani miingon nga dunay kamandoan ang Sultan nga ipadayon nila ang pakiggubat didto sa Sabah aron mabawi sa Pilipinas ang maong teritoryo. (BANAT NEWS)