Na-stranded kang ‘Santi’
CEBU, Philippines - Kapin sa usa ka libong mga pasahero ang na-stranded sa bagyong “Santi†dinhi sa Central Visayas human gimando sa Philippine Coast Guard nga dili pabiyahion ang mga barkong padung sa mga lugar nga nabutang sa storm warning signals.
Si PCG Cebu Station Commander Weniel Azcuna nagkanayon nga 1,192 na ka pasahero ang na-stranded ilawom sa ilang hurisdiksyon pag-abot sa alas-3 sa hapon kagahapon.
Ang M/V Pope John Paul, nga padung unta sa Manila nga dunay 921 ka pasahero wala tuguting makalarga, samtang ang M/V Starcraft 3 nga dunay 165 ka pasahero padung Tubigon, Bohol wala usab makabiya.
Samtang wala usab palargaha ang M/V Braquel nga padung Tagbilaran nga dunay 86 ka pasahero ug ang M/V Super Shuttle Ferry nga dunay 20 ka pasahero padung sa Masbate ang wala usab tuguting makalarga.
Sumala pa ni Azcuna, gawas sa mga barkong gidid-an nila pagpalarga duna say mga barkong wala mabutang sa public storm warning signal ang destinasyon ang boluntaryong mikanselar sa ilang mga biyahe tungod sa kadagko sa balod.
Niadtong Biyernes, wala pabiyahia ang M/V Don Carlos Sr. nga padung sa Manila ug upat ka mga gagmay’ng barko sa Cebu tungod gihapon sa dautang panahon.
Si Azcuna nagkanayon nga tugutan lang nila silang makabiyahe pag-usab kung mawala na ang storm signals sa ilang mga destinasyon.
Base sa weather forecast sa Philippine Atmospheric, Geophysical and Astronomical Services (PAGASA) kagahapon, ang bagyong “Santi†mihinay pagtugpa niini sa kayutaan sa Luzon.
Si “Santi†mitugpa sa Aurora Province niadtong Biyernes sa gabii ug mirombo sa Central Luzon hinungdan sa pagbutang sa 14 ka mga lugar didto ilawom sa signal no.3.
Ang Office of the Civil Defense mipahibalo nga lima ka mga tawo na ang nakalas ug tulo ka mananagat ang missing didto sa Luzon tungod sa maong bagyo.
Samtang si Al Alquizar sa PAGASA-Mactan sa interbyu sa DyRC Police Roundup niadtong Biyernes sa gabii mikompirmar nga duna pay laing bagyo nga gi-monitor karon sa dagat Pasipiko apan layo pa kaayo kini.
Kini mao ang bagyong may international name nga “Wipha†ug kung ugaling mosulod kini sa Pilipinas tawgon kini og bagyong “Tino.â€
Matud pa ni Alquizar nga “tungod-tungod†lang ang Santi ug ang Tino apan ang nauwahi atoa pa sa gawas. (BANAT NEWS)
- Latest
