Greco mihimakak nga sad-an sa paggamit og illegal drugs

CEBU, Philippines - Si Leo de Grego  Sanchez anak  ni anhing vice governor Gregorio Sanchez ug igsoon ni provincial Board member  Grecilda Sanhez Saballero, wala  moangkon  sa pasangil  nga  tiggamitan  siya  og shabu.

Kini atol sa gipahigayong hearing sa sala ni RTC Judge Meinrado  Paredes sa Branch 13 kagahapon.

Ang huwes mimando usab nga iparehab ang maong akusado.

Si Sanchez nasikop niadtong Agosto 2013 didto sa Nueva Ecija  pinaagi sa bench warrant nga giluwatan ni Judge Paredes.

Kini  tungod  sa iyang  kapakyas   sa  pagtunga  sa  court hearing.

Nasayran nga niadtong April 14,2013, si Greco nasikop sa kapolisan samtang  kini  misalmot  sa pot session sa usa ka panimalay didto sa barangay Mabolo ning dakbayan sa Sugbo.

Hinuon   dali siyang nakapyansa  apan  nalutsan siya og warrant niadtong Agosto 14 ug nasikop didto sa Nueva Ecija.

Adunay duha ka warrant si Greco  nga giluwatan ni RTC Judge Hadji Rasul Macaundas sa Branch 8 ug ang bench warrant nga giluwatan ni Judge Paredes sa Branch 13.

Apan ang warrant ni Judge Paredes   maoy  nagamit sa pagsikop ni  Greco. (BANAT NEWS)