Siyam nga nanagat sa fish sanctuary sikop
CEBU, Philippines - Nasikop ang siyam ka mananagat human kini sakpi sa mga otoridad nga nanagat sa fish sanctuary sa barangay Atop-atop, lungsod sa Daan Bantayan, alas 8:00 sa buntag sa miaging adlaw.
Ang nasikop mao sila si Clarin Demoral Villabrille, 39, Romy Layaog Derder, 34, Saldy Illut Valiganio, 34, Freddie Ofqueria Illut, 32, Roger Alolor Giducos, 42, Pascual Robridillo Adan, 51, Jomer Robridilio Adan, 20, Randy Ofqueria Alojacin, 32, ug Noel Batiancila Miranda, 30, pulos mga lumolupyo sa barangay Hilatagan sa lungsod sa Sta. Fe.
Nasayran sa Banat News nga dihang nasakpan sila sa akto, dali kaayong nakaikyas ang lain pang tulo ka mananagat nga ilang kauban.
Sila mao si Lemar Escaran Ofqueria, Tibor Gidaucos Ofqueria ug si Noel Ofqueria Alojacin.
Nasikop ang siyam nila ni PO3 Agustin Zaspa Tayo, Elias Satillan Zaspa, fish warden sa maong barangay ug kapitan Rodulfo Dela Peña Desabille sa barangay Atop-atop.
Nasakmit gikan sa mga dinakpan ang kapin sa ulo ka kilo nga isda, pumpboat ug onse ka paris sa improvised flipper.
Ang 9 ka mga mangingisda nga nasikop naa karon sa Bantayan Police Station samtang giandam pa ang kaso nga kalapasan sa Sec. 96 sa R.A. 8550 o Fishing in Fishery Reserves refuge and Sanctuaries.
Samtang padayon pang gipangita ang tulo kinsa nakaikyas gikan sa mga kamot sa mga otoridad. (BANAT NEWS)
- Latest
